Скачать с ютуб 燃燒吧 DREAMERS！ - 乙女新夢｜INTO THE NIGHT｜SUCH/ CULTURE в хорошем качестве

燃燒吧 DREAMERS！ - 乙女新夢｜INTO THE NIGHT｜SUCH/ CULTURE

SUCH/Culture 真正偶像派 香港其實一直都有實力女團 可能大家會問「點解乙女新夢會關 Into The Night 依個系列事？」，睇埋落去就會明。 乙女新夢係香港嘅一隊日系idol女團，其實佢地早於2017年出道，現時有四位成員，包括 Rika、Ai、Rinka 同 Maho。喺疫情之前，佢地曾經去過日本、台灣參與演出同舉辦巡迴活動，包括OTODAMA SEA STUDIO、笑傲搖滾音樂祭同東京CD Release Tour等，而喺2021年亦參加咗香港大型音樂節UNISON同TONE Music Festival。 再實在啲，乙女新夢2019年喺日本發行單曲專輯「新しい夢」，並於首周登上ORICON排行榜。另外，疫情期間成員MAHO更成功擊敗2675名參賽者，奪得由日本講談社舉辦嘅女子選秀比賽「Miss iD 2021」總冠軍。總括而言，乙女新夢喺日式女子偶像團體嘅世界入面（講緊嘅係連埋日本嗰啲)，絕對算係高水準嘅組合。 奈何，香港嘅idol文化始終係比較小眾，即使乙女新夢得到唔同地方嘅人嘅認同，佢地喺香港嘅路依然十分崎嶇。喺疫情之前，乙女新夢嘅成員已經要身兼多職以維持生計，所以無論練習定表演，通常只能夠喺收咗工之後發生，所以基本上都要 into the night，先可以見到乙女新夢嘅佢地。 而疫情嘅爆發，首先令佢地嘅日本之旅擱置，更大影響嘅係令佢地核心嘅LIVE都大受打擊。對於非常著重同 Fans 互動，互相為表演付出嘅日系idol女團嚟講，依樣絕對可以係壓死駱駝的最後一根稻草。慶幸嘅係，乙女新夢內部流行輪流崩潰mode，每當有成員想放棄，其他人就會拉返住佢。而我諗真正拉返住佢地嘅，應該係俾佢地無限支持嘅 Fans。 除咗輪流崩潰mode同 Fans 之外，今年乙女新夢有機會參與一啲比較大型嘅音樂活動都係一個令佢地繼續堅持落去嘅重要因素。由一開頭擔心比較主流嘅觀眾接受唔到自己，到睇到全場幾千人喺佢地嘅幾十個 Fans 帶領下，一齊做佢地嘅動作、嗌call，令佢地得到更多香港人嘅認同。 想講嘅係，依件事固然之要有一班咁好嘅 Fans 支持先發生到，但係首先一定係乙女新夢本身做到 Fans 們嘅動力，成為佢地心目中真正嘅偶像，Fans 先會咁義無反顧。另外，都要乙女新夢喺跳唱方面有穩定水準，先可以感染到全場嘅人。所以，即使佢地自己會覺得依件事係一個奇蹟，我都會話依個奇蹟，佢地絕對 well-deserved。 其實喺條片 (hard sell: Full Version 喺 YouTube，大家快啲睇) 去到奇蹟嗰part，我係真係覺得好感動，我諗乙女新夢俾到我地嘅唔止係一個佢地奮鬥嘅故事，而係一個提醒同埋啟發。喺各方面都停滯不前，甚至倒退嘅依幾年，我諗好多香港人同乙女新夢一樣都對自己本身做緊嘅野產生懷疑，而乙女新夢話俾大家聽，只要全心全意為一件事付出，最尾一定會有俾你發光發熱嘅舞台。 最後，少少廢廢地嘅題外話，其實SUCH/ 平台其中一樣想做嘅野，係將一啲比較小眾嘅香港文化帶俾大家認識，而終極目標當然係想依啲文化不再小眾，所以睇到奇蹟嗰part先會咁感動。而喺依短短幾個月，接觸過咁多為自己嘅理想努力緊嘅香港人之後，想講返句「香港真係有好多好野」，而依啲好野真係好值得俾大家認識，希望各位香港人可以繼續支持Made In Hong Kong嘅好野。 #SUCH #IntoTheNight #乙女新夢 #新しい夢 #女團 #日系idol 想知道更多最新消息，記得喺Facebook, Instagram, Youtube密切留意我哋： Facebook:   / such.hongkong   Instagram:   / such.hk   YouTube:    / suchhk   乙女シンドリーム - 乙女新夢 Facebook Page:   / otomesyndream   YouTube Channel:    / odorimu