Скачать с ютуб ( الراس صامل ) كلمات سعد بن شفلوت قصيدة مجاراة لقصيدة الوزير سعود القحطاني الراس شامخ в хорошем качестве

( الراس صامل ) كلمات سعد بن شفلوت قصيدة مجاراة لقصيدة الوزير سعود القحطاني الراس شامخ

(الراس صامل) كلمات /سعد بن شفلوت اداء/ الفنان فهد العمري قصيدة مجاراة لقصيدة الوزير سعود القحطاني ( الراس شامخ) بين الرياح الهادية والشديدة هلت هماليل السحايب والامزان والبرق يبرق مثل نارٍ وقيده والورق قام ينوح في روس الاغصان وافكار هاجوسي تراود وريده على النقا والحب والحب سلطان والبال رايق والمشاعر سعيده والشعر والشاعر سجينٍ وسجان اطلقت من سجن التفاكير قيده اطلاق شيهانٍ على الصيد شفقان واللي مهيضني لبدع القصيدة قصيدة سعود السعد طير حوران قصيدةٍ فيها علومٍ وكيده ماقالها الا يوم للقول برهان والراس صامل والهقاوي بعيده والقاف بالمرجان واللول مليان وباخش فالموضوع ي سعود سيده من غير زود في الحقيقه ونقصان انشهد انك من مشايخ عبيده لا والله الا راس من روس قحطان قريت لك فالطيب سيره حميده مع الوطن لا ثار للحرب دخان دقيت خشم اهل الردى والمكيده والجمت عدوان الشريعه والاخوان في كل منبر حق ولا جريده اصبحت فيها للوطن خير عنوان هذا الولا والتضحيه والعقيده اللي يعز اوطان ويهين عدوان فتحت للتاريخ صفحة جديده وشرعت بيبانٍ وقفلت بيبان وحنا قحطان اهل الفعول المجيده وقفاتنا تعرف على مر الازمان الله عطانا فالزمن مانريده والسمعه اللي ماتقدر بالاثمان جمع العدو فالجاهلية نبيدة واليوم دون الدار شايب وشبان وكل القبايل من ضبا للحديده تاريخيهم معروف في كل ميدان واللي يخون الدار جعله فقيده واللي يخون الجار ماعنده ايمان خيانه الخاين ترا ماتفيده شيطان واللي يتبع رضاه شيطان لا صاروا ال سعود ماهم عضيده خسران فالدنيا وفالدين خسران وفالوقت الاول يوم كل له ايده وقفات ابو تركي معزي لها شان واليوم في حكم اللي الله يزيده طولة عمر ويعز به كل الاوطان سلمان سلمان الحزم والوليده له هيبة تخضع لها الانس والجان وعضده وعونه يا سعود ورصيده ولي عهده شذرة السيف شامان راعي الخصال الطيبه والفريدة اللي ورثها من معزي وراكان رايه سديد وكل اموره سديده وحنا معه بارواحنا كيف ماكان وان كان حكّت فالحديده حديده قاد المعارك مثل جده كحيلان خلا الدول عنده سواة الطريده من سطوته صاب اكثر العالم جنان وخلا تميم يعيش عيشه زهيده ودمر بقوة باسه مخطط ايران هذا ولد سلمان محدٍ نديده ماينحني راسه ولا راس سلمان بقيادته تبقى الحكومه رشيده ونعيش بامن وخير في كل الازمان والمعتدي يبقى تحت قبضة ايده وخليجنا يبقى فخر كل الاوطان