Скачать с ютуб Damlai Hinkhua ~ Lianlunching в хорошем качестве

Damlai Hinkhua ~ Lianlunching

#PaiteGospelSong# Damlai Hinkhua Lyrics: Ching Mangte 1. Dam lai hinkhua suk leh tou ka pal hun chiang in Nuam leh kipak a om det ding lunggulh man Khemna haksa pel din Pa kana nget zel hang' Ka Toupa aw nang thu hi hen chithei kei veng aw! Ka maituah ding a na phal ah Toupa aw hon pii in Liam leh bai ngal liam zong na dung sun nuam veng Nunkhua nuam a nang kon gamlat sang in Haksatna tampi toh Toupa naih kei din a hoih hi Toupa naih kei din hoih pen hi 2. Ka ma ah khemna om chi'n lau zel veng Toupa Maituah ngamlou lam tuam tai siat nang zong ing Toupa gal hat thil hihtheihna phok banlou in Dawilok hinatel ing e Pa hon ngaidam in aw 3. Khelh vang thuak na hi zong Pa hehpihna'n hon pi Niteng Khros pua tuanglam sau ah bah zong leng Toupan a itna aw nem toh hon huau zel a Ka hatlouhna Amin laamsangtu hon suak sak ta 4. Unau setan khemna nisim na dou zel maw? Douna hat zong vualzou gingtu hi ding in Sian simthu pha ma suan nisim melma dou le Zohna puanlap tawi sang zaila thak i lem ngei ding @chingmangte@18042018 ============================================ Khovel ah i hin sung nuam leh haksa kiton chih i theih kawm in, Pathian in i phulouh a hoih lam vualzawlna hon piak tam lotel hi. Huai "a hoih lam" vualzawlna dinmun a om det ut luat ziakin haksatna i tuah dek chiah ready lou phet Lou a utlou, pom theilou in i om a, haksatna, gen siatna, lawm hoihlou, natna leh sihna tanpha in hon pel leh chih ut lawtel a Pathian kiang i thum hang in, a tak gam ah, ngamtak leh ki paktak a tuah bangbang a hinkhua phut haksa sa in, Toupa nang thu hi hen chichi napi in "ei deihdan" hizaw leh chihna toh Toupa nang thu hihen chih toh zuih haksa sak hun ka nei zel hi. Nang leng na tuah ding, zum na, zahlak na, mualphou huai na leh khemna te apan taisiat sawm in, a hon hunkhedia na muan mihingte mai zong in, nang deihtelna toh lam tuam ah Pathian nana taisan khazel hia? Na dinmun a haksat luat hun in hon suakta sak thei Pathian thilhih theihna na muang lah ngei sam hia Unau? Dou ding melma, hiipi natna, lawm hoihlou, lungsim siatna leh Khalam khaatna te tuak lou gingtu i hih leh gingtu hoih hilou ding i hi chih i thei ding aw. Huaiteng dou a i lamsuk lamtou i zoh chiah i Pathian min tawi sang in om dia, na lung a nuam dia, huaiteng hilou lai, van a zohna puan lap toi sang tu ding nang na hi chih phok kawm in "Ka maituah ding a na phal bangbang ah Toupa hon pii zel in, haksatna toh nang kon naih leh, Kipahna toh nang kon gamlat sang a kei a dia hoih ahi zaw" chithei a hinkhua zang chiat ding in 14th April 2018 nitak a Toupa ka kiang a hong ki hil na thu laa a hong kibawl apan i ki hanthon ahi [Sam:73:1] Pathian tuh Israelte tung ah a na hoih ngei e, lungtang siangthoute tung ah. [Sam:73:2] Himahleh ke'n zaw ka siktal dekdek a; ka kal suante a teu dekdek ahi. [Sam:73:21] Ka lungsim lungkham a a om a ka lungtang sut a ka om lai in. [Sam:73:28] Kei a ding in bel Pathian naih a hoih a: TOUPA Pathian ka ki humbitna in ka nei a, na nasep tengteng thu ka hilh theihna ding in. Amen.