Скачать с ютуб Rəsmilər: İkinci sui-qəsd cəhdindən Tramp salamat çıxıb в хорошем качестве

Rəsmilər: İkinci sui-qəsd cəhdindən Tramp salamat çıxıb

Son doqquz həftədə ikinci dəfə sui-qəsd cəhdinə məruz qaldıqdan sonra sabiq prezident Donald Tramp salamatdır. Bazar gününün insidenti Florida ştatında West Palm Beach-dəki Trampa məxsus qolf klubunda baş verib. Rəsmilər Trampın xəsarət almadığını, hücumçunun aşkar edildiyini və ona ilk olaraq cangüdənlər tərəfindən atəş açıldığını bildirir. Bir sıra media mənbələri, o cümlədən The Associated Press, The New York Times və Fox News Kanalı şübhəlinin 58 yaşlı Ryan Uesli Raut olduğunu xəbər verir. Həmin rəsmilər anonimlik şərti ilə danışıblar, çünki onlar hazırda gedən təhqiqatı müzakirə etmək səlahiyyətinə malik deyillər. Əvvəlki sui-qəsd cəhdindən fərqli olaraq bu insident canlı televiziya yayımı zamanı olmayıb. 13 iyulda televiziyada canlı çıxış zamanı atəşə məruz qalan Tramp qulağından yaralanmışdı. Ona hücum edən şəxs isə təhlükəsizlik qüvvələri tərəfindən öldürülmüşdü.