Скачать с ютуб الشاعر صفاء الصمت | محلات الاقنعه | в хорошем качестве

الشاعر صفاء الصمت | محلات الاقنعه |

#إشترك_الأن_في_القناة_الرسمية #الشاعر_صفاء_الصمت الحسابات الرسميه للشاعر صفاء الصمت فيسبوك… https://www.facebook.com/profile.php?id=10... انستا… https://instagram.com/safaa.alsamit?igshid... قناة التلگرام… https://t.me/safaa_alsamit محلات الاقنعه (شكوى الى صديقي الخالد زيد السومري) گبل لاگلك شبيه وگبل لاطلع البصدري وزعل الناس الك يمي بقت بوسات منسيه بوسه الخدك الغافي علي التراب وبوسك الصوتك اليرعد بوكت الخوف وبوكت الزعل حباب بوسه الكل اصابيعك البوكت المطر تمسح دموع الجام وتكتب على الدنيه بخير الدنيه بخير مادام الحقيقه عيون بالظلمه ومادام الغيوم تطيح ماتبقه اعلم وجه الگمر دوم الثام بوسه الذيچ اصابيعك التمشط الشجر،، والماي،، وترگص بالمطر طيره،،، وتغني الگاع وبعيون الخليفه اسهام بوسه الكل قصيدة اشتهت تكتبها وبقت للريح والايام بوسه العوزك،،، الحزنك،،، الحرمانك القميص الجامه الچان ابيض امنالناس،،، بس تعبان تعبان الشمس باسته وصار اصفر اصفر والعيون الخضر ماشافنه وتعدن بوسه الحلمك الضل بالمطر ذبلان بوسه الكل الايام العشتها وياك من امرورة الكاس،،، الحلاة مشاكر الطابوگ ع التيجان اجيتك بيه من ذيچ المحطه اتراب ومن گاع الحرب خذلان انه چني قميصك ابيض امنالناس،،، بس تعبان اجيتك منكسر من ناس تنام الليل سكرانه وتفز الصبح ماتهرف اساميها اجيتك والمري اعلى الدرب مايعكس ضواها اوجوه اليحبون اجيتك من شعار انسه اعلى الحايط من صوره خذلها الشعب والحايط من دروب،،، دروب الاقنعه بيها اكثر امنالناس من گد الاقنعه البيها،،، غريب اليطلع بوجها محل للاقنعه هنانه،، ومحل هنا،،، ومحل هناك واني امشي،،، وواحد من گفاي يصيح تعال هنا،،،، تعال هنا الماعنده قناع يضيع واني امشي وثاني يصيح تنزيلات،،، تنزيلات شلون وجوه عدنه تخبل وتازه شوف الوجه هذا يخبل وتازه كلشي يصر شماغ يصير،، قاط يصير،، عمامه تريده هم يصير كلشي يصير،،، تنزيلات وواحد من بعيد يصيح ليغشوك،،، ليغشوك هذا البي ضمان اكثر هذا الوجه غمض وهذه لتعامل نص منه وجه مكتول ونص منه وجه كاتل تنزيلات،،، تزيلات،، تنزيلات ومن گد الرخص تحتار،،، هنانه البايع الشراي ياهو ارخص! تزيلات،،، تنزيلات،،، واني امشي ،،، وباوع وادم اعرفها اشترتها الاقنعه وضاعت قسم من عدها مدري نسحگ بالشارع وقسم من عدها ذيل انّسه اعلى الشارع وقسم من عدها راس امنالفراغ البي كبر خوفه وشمر راعيه بالشارع محل للاقنعه هنانه،،، ومحل هنا،،، ومحل هناك وسعر القيم يتراوح ابين الخسه والخسه وربعك تذكر الچانو يهتفون الشعب والناس مدري بيامحل هسه مره امشي،،، وعثر جدمي بقناع وطلع منه فلان هاا يفلان،،، وجهك هذا تذكر؟ گال ماعرفه رجعت القناع وگتله مو اسف مشكلة القناع شمايطول اكثر ينسي الناس عدها وجوه ومشكلتي غريب هنا غريب امنالشمس للماي انه بوجهي،،، وعلى كلشي قناع هنا ع اليدلون،، ع العنوان،، ع الضايع على عقول البشر،،، ع الصوت،، ع الفكره على كلشي قناع هنا حتى الشعر لابس وجه ماعرفه وجه ماغنه للثوره،،، مايبچي ع اليموتون وجه مابي ضمير الناس وجه ماصارت حروفه خبز للناس وجه ماصعد من بين المشانق راس وجه ماكسر سجنه وخوف الحراس على كلشي قناع هناا مدن ضاعت معانيها شوارع بارده،،، وبيبان بس عيون ناس مغمضه تمشي بطارف الدنيه وصور مكتوله ومفتحه اشك مرات،،، اشك حفله تنكر هاي مودنيه اشك بروحي،،، اباوع وجهي بچفوفي والگاني وطن مثلوم بعيوني دليل المحكمة باچر بعيوني صور مكتوله ومفتحه،،، عيون الموتى كلهن بقن بعيوني اباوع وجهي بچفوفي،،، والگاني وصيه نكتبت بسرعه من خطها تعرف شكثر خايف چان راعيها گبل ليموت تركز بيها تسمع دمه بحروفه تركز تلگه اثر خطوات چتاله تركز بيها تسمع صوت چتاله قريب الصوت،،، قريب الصوت افز،، التفت،، الگه الاقنعه تباوعلي من كل صوب اسد ايدي على وجهي وضل امشي انه وهذا جدمي الماقبل يلبس قناع يعبره الشارع اضل امشي ثگيل بثگل وجهي الشالته اچفوفي اضل امشي على متوني وصايا الصور والغربه واليحلمون وفتر بالحزن وحدي ومن شفت الشمس رخصت بعين الطين بچيت الطين من جوه الشمس وحدي من فوگ الرمح وكتب شعر للناس السيف برگبتي مخلي وگول المذبحه تعدي وهذا الچنه خشبه نشمرت بليلة مطر للنار نص مبلل ونص محترگ،،، خدي عشت وحدي،،، ومتت وحدي وجيتك ياوحيد بموقفك وحدي غريب امنالشمس للماي غير دموعي ماعندي وجيتك ماي اجيتك ماي،،، بلكي اسگيلي شجره هنانه يم گبرك تفيي الموقف الخالد وتكبر للزمن قبله وتمد اغصانها الكل طير مايقبل تگوده الريح