Скачать с ютуб បាក់ឌុប៖ មុនពេល និងក្នុងពេលប្រឡង តើគួរធ្វើអ្វីខ្លះ? в хорошем качестве

បាក់ឌុប៖ មុនពេល និងក្នុងពេលប្រឡង តើគួរធ្វើអ្វីខ្លះ?

ភ្នំពេញ៖ នៅសល់ពេលប្រមាណតែពីរសប្ដាហ៍ទៀតប៉ុណ្ណោះ ការប្រឡងសញ្ញាបត្រមធ្យមសិក្សាទុតិយភូមិ នឹងចាប់ផ្ដើម។ សិស្សានុសិស្សដែលត្រៀមប្រឡងបាក់ឌុប បានខិតខំប្រឹងប្រែងរៀនសូត្រ និងឆ្លៀតពេលរៀនគួរបន្ថែមនៅតាមសាលានានាផង ។ ខណៈការប្រឡងជិតមកដល់ អតីតសិស្សនិទ្ទេស A ដែលទទួលបានលំដាប់ពិន្ទុ ១០០.០០ យុវជន ស គីមស៊ា បានចែករំលែកគន្លឺះសំខាន់ៗ ដែលគួរធ្វើមុនពេលប្រឡង និងក្នុងពេលប្រឡង។ តើបេក្ខជនគួរធ្វើអ្វីខ្លះ មុនពេលប្រឡង និងក្នុងពេលប្រឡង? យុវជន គីមស៊ា បានលើកឡើងថា មុនពេលប្រឡង និងក្នុងពេលប្រឡងសុទ្ធតែសំខាន់។ ដោយមុនពេលប្រឡង បេក្ខជនទាំងអស់ គួរតែថែរក្សាសុខភាពឲ្យបានល្អ និងមានពេលសម្រាកឲ្យបានច្រើន ជាពិសេសត្រូវរៀបចំសម្ភារដែលយកទៅប្រឡង។ សិស្សនិទ្ទេស A រូបនេះ បន្តថា គួរតែរំលឹករូបមន្តខ្លះ ដោយមិនសម្រុករៀនខ្លាំងពេកនោះទេ។ យុវជន គីមស៊ា បានបញ្ជាក់ទៀតថា ក្នុងពេលប្រឡង សិស្សានុសិស្ស គួរតែទៅមណ្ឌលឲ្យបានទាន់ពេលវេលា ជៀសវាងការយឺត។ ម៉្យាងទៀត ក្នុងពេលប្រឡងគួរតែធ្វើលំហាត់ណា ដែលស្រួលមុន ព្រោះវាធ្វើឲ្យមានភាពងាយស្រួល ដើម្បីបន្តទៅធ្វើលំហាត់ផ្សេងៗទៀត។ គីមស៊ា បន្ថែមថា នៅពេលសល់១៥នាទី សិស្សានុសិស្សគួរតែពិនិត្យ និងផ្ទៀងផ្ទាត់កិច្ចការរបស់ខ្លួន មុននឹងប្រគល់ជូនអនុរក្ស។ -------------------------------------------------------------------- ThmeyThmey News Social Media: https://thmeythmey.com/   / thmeythmey     / thmeythmeyvideonews     / thmeythmeynews     / thmeythmey