Скачать с ютуб 潘燦良專訪｜《反起跑線聯盟2》再做Martin老竇拍鬧交戲驚「阿仔」有陰影？｜演藝畢業多年再跟朱茵合作大讚師妹沒變：佢好清楚自己想要啲乜嘢！｜李銘基｜李子聰｜冼如英｜冼老師｜港劇｜ViuTV｜游大東 в хорошем качестве

潘燦良專訪｜《反起跑線聯盟2》再做Martin老竇拍鬧交戲驚「阿仔」有陰影？｜演藝畢業多年再跟朱茵合作大讚師妹沒變：佢好清楚自己想要啲乜嘢！｜李銘基｜李子聰｜冼如英｜冼老師｜港劇｜ViuTV｜游大東

ViuTV劇集《反起跑線聯盟2》在剛剛過去的星期五（30/6）播出第大結局，劇情講述潘燦良飾演的「虎爸」Charles不忍兒子Martin（植海維飾）愈讀愈辛苦，決定讓對方到外地升學，隨前妻（向海嵐飾）生活。可是，Martin覺得父親不要他，所以非常生氣，更在機場鬧他「衰人」，最後Charles經過兩季劇情的洗禮後，終於知道如何為兒子着想，更醒悟兩人不能失去彼此，所以決心放下香港一切，陪對方讀書，十分賺人熱淚。戲內是父子，戲外是朋友，潘燦良日前接受本平台專訪大談拍攝體會，除了分享與「Martin」植海維再合作的心情，更透露與演藝學院師妹朱茵再次碰頭的感受。 談到時隔兩年再與「Martin」植海維合作演父子，阿燦坦言他與「七小福」都成長不少：「舊年拍嘅時候，佢哋已經8歲，其實佢哋已經識多咗好多嘢即係以一個小朋友嚟講，佢哋已經係成長咗，佢嘅8歲識嘅嘢，可能比起我當年16歲仲要多。」更指小朋友大得太快：「你唔見佢一個禮拜，佢好似已經高咗，譬如我哋拍嘅時候，可能隔咗兩、三個禮拜先至再見番同一個小朋友，咦嘩，高咗囉喎已經，你好似已經失去咗啲嘢，好似已經追唔返呀，個感覺其實幾強。譬如Martin仔，我覺得我同佢係朋友嚟，但我見到佢，哎呀，可唔可以唔好大得咁快呀。」 與「Martin」最深刻是哪場戲？阿燦表示自己在戲中經歷生意失敗，要大屋搬細屋，所以演變成與「Martin」有不少沉重感情戲份：「我自己都會有少少擔心，會唔會對佢對佢有少少陰影，會唔會畀咗啲唔係幾好嘅經歷佢，但當然好好，場戲拍完佢就會去返細路仔個mode。（完咗有冇擁抱？）要呵一呵，冇嘢喇冇嘢喇咁樣。」提及朱茵透露自己其中一個接拍原因是想與演藝學院師兄阿燦演對手戲，他笑言再次合作感覺既熟悉又陌生：「離開咗學院之後一路都冇合作過，其實好得意，你一見番個咁樣嘅舊同學，你就會有一種好熟悉，好多以前學校嘅一啲回憶又會喺度，但係又好陌生，因為大家已經各自生活，各自經歷，各自喺自己嘅事業上都做咗咁多嘢，感覺係好微妙，好有趣。」阿燦更謂這次合作勾起當年對方入學因標致美貌成全校焦點、對方做導演找他做演員等回憶：「佢冇變，都係好清楚自己想要啲乜嘢！」 今季花了不少篇幅探討「何謂好家長」，問拍攝過後是否對追個題目多了想法？他說：「呢個絕對係要反思嘅題目，要成為一個好嘅家長，其實唔係凈係話你要畀啲乜嘢你嘅小朋友，或者係你可以畀到幾多，或者你凈係盡力去畀到你最好嘅嘢佢，而係你自己要設身處地去諗，佢係點樣，佢嘅經歷係乜嘢，佢嘅成長係啲乜嘢，你要代入喺佢嘅世界裏便去諗，我覺得呢個係重要嘅。」現實中沒有子女，阿燦坦言演起父親角色一定會有距離感，要借鑒自己如何與侄兒、外甥相處，去補足這個「先天缺陷」。 採訪：游大東 拍攝：何駿軒 （30082024） #游大東 #游大東影視筆記 #游大東專訪 #潘燦良 #朱茵 #演藝學院 #舞台劇 #植海維 #強尼 #反起跑線聯盟2 #港劇 #ViuTV #劉偉恒