Скачать с ютуб എഴുതപ്പെട്ട ചരിത്രമൊക്കെ കഥകളാണോ ? Interview with S. Hareesh by S. Gopalakrishnan в хорошем качестве

എഴുതപ്പെട്ട ചരിത്രമൊക്കെ കഥകളാണോ ? Interview with S. Hareesh by S. Gopalakrishnan

പ്രിയ സുഹൃത്തേ , എസ് . ഹരീഷ് ആദ്ദേഹത്തിൻ്റെ പുതിയ നോവലായ 'ആഗസ്റ്റ് 17' നെക്കുറിച്ച് സംസാരിക്കുകയാണ് ഈ ലക്കം ദില്ലി -ദാലിയിൽ . ഇന്ത്യൻ സ്വാതന്ത്ര്യസമരകാലത്തേയും പിന്നീടുമുള്ള തിരുവിതാംകൂറിൻ്റെ രാഷ്ട്രീയചരിത്രത്തേയും അപൂർവമായ മൗലികതയോടെ ഈ നോവൽ നോക്കുന്നു . മലയാളികൾക്ക് ഇതിനുമുൻപുണ്ടാകാത്ത വായനാനുഭവമാണ് ഈ പുസ്തകം എന്ന് നിസ്തർക്കം പറയാം . 50 മിനുട്ടുദൈർഘ്യമുള്ള സംഭാഷണത്തിൽ എസ് . ഹരീഷ് ചരിത്രമെന്നാൽ കഥയാണെന്നും കഥകളിൽ എന്നാൽ ചരിത്രമുണ്ടെന്നും പറയുന്നു . ഇന്ത്യയ്ക്കു സ്വാതന്ത്ര്യം കിട്ടിയതിനുശേഷം തിരുവിതാംകൂർ ഒരു സ്വതന്ത്രഹിന്ദുരാഷ്ട്രമായി നിലനിന്നിരുന്നെങ്കിൽ ? എന്തുകൊണ്ട് നോവലിൽ ഇ.എം.എസ്സും എൻ ശ്രീകണ്ഠൻ നായരും നേരത്തേ മരിക്കുകയും പി . കൃഷ്ണപ്പിള്ള മരിക്കാതിരിക്കുകയും ചെയ്യുന്നു ? മനുഷ്യന് ദൈവം നൽകിയ അപൂർവ്വസിദ്ധിയാണ് ഭ്രാന്ത് എന്ന് ബഷീർ എന്തുകൊണ്ടുകരുതി ? ഭ്രാന്ത് പകരുന്ന രോഗമാണെന്ന് ഹരീഷ് എന്തുകൊണ്ട് വിശ്വസിക്കുന്നു ? തിരുവിതാംകൂറിൽ കമ്മ്യൂണിസ്റ്റ് വിപ്ലവം വന്നിരുന്നെങ്കിൽ തകഴിയ്ക്ക് നോവലുകൾ തിരുത്തിയെഴുതേണ്ടിവരുമായിരുന്നോ ? എന്തുകൊണ്ട് അക്കാമ്മ ചെറിയാനും ഏലിക്കുട്ടിയും നോവലിലെ ഏറ്റവും ശക്തരായ കഥാപാത്രങ്ങളായി ? നോവലിലെ രഹസ്യാന്വേഷകൻ ഭാസി ബഷീർ ആകുമ്പോഴും ബഷീർ മാത്രമാകാതിരിക്കുന്നതെന്തുകൊണ്ട് ? എസ് . ഹരീഷ് 'ആഗസ്റ്റ് 17 ' എന്ന നോവലിനെക്കുറിച്ച് സംസാരിക്കുന്ന പോഡ്‌കാസ്റ്റിലേക്ക് സ്വാഗതം . സ്നേഹപൂർവ്വം എസ് . ഗോപാലകൃഷ്ണൻ 15 ഏപ്രിൽ 2022 ഡൽഹി https://www.dillidalipodcast.com/