Скачать с ютуб #اسباب в хорошем качестве

#اسباب

أسباب استهلاك السيارة معدل عالى من البنزين #عالم_السيارات #اسباب_زيادة_استهلاك_البنزين #حساسات#السيارة ‫@عصام_غنايم‬ 1- عدم تغيير فلتر البنزين في مواعيد الصيانه المحدده وطبعا نتيجه لكده بيتراكم جواه الشوائب الكربونية والاتربه اللي بتؤدى إلى انسداده ونتيجه الانسداد ده طلمبه البنزين بتضخ بنزين زياده عشان تحاول تعوض الانسداد اللي موجود في عندنا نوعين من فلاتر البنزين النوع الاسود اللي بيركب في بطن العربيه في بعض العربيات وبيتغير على 15 الف كيلو متر والنوع الابيض بيركب جوه طلمبه البنزين في بعض العربيات تحت الكنبه الخلفيه و ان شاء الله هيكون في فيديو مخصص ازاي غير فلتر البنزين 2- انسداد الرشاشات أو تلفها ووظيفه الرشاشات هي ضخ البنزين اللي موجود وجاي لها من داخل مسطره الرشاشات الى داخل غرفه الاحتراق و عندنا هنا الكنترول بيدي اشاره للرشاش بيقول له افتح في الفتره دي واقفل في الفتره دي يعني معنى كده ان كنترول السياره بيتحكم في الفتره الزمنيه اللى الرشاش بيفتح وبيقفل فيها الكنترول بيدي اشاره للرشاش بيقول له افتح في الفتره دي وقفل في الفتره دي يعني معنى كده ان كنترول لسياره بيضحكم في الفتره الزمنيه اللي بيفتح فيها الرشاش والفتره اللي بيقفل فيها لكن في ثلاث حالات لازم نغير فيهم الرشاشات اولا: الرشاش يفتح علشان يدخل بنزين وما يقفلش ثاني وفي الحاله دي هيسبب استهلاك عالي من البنزين و يسبب عدم انتظام في دوران المحرك ثانيا: الرشاش يقفل ومايفتحش ثاني وفي الحالة دى هيبقى في رعشه في المحرك على السلانسيه وضعف في السحب وكتمة في العربية ثالثاً: الرشاش يسيل بعد القفل الثلاث حالات دول لازم يتغيروا لانهم غير قابلين للاصلاح لكن غير كده بنظفهم كويس ونشوف ادائهم بعد التنظيف 3- عدم تغيير البوجيهات او البواجي او شمعات الاحتراق على حسب التسميه في الدول العربيه او استبدالها باخرى غير اصليه ورديئة الجوده اثناء اجراء الصيانه الدوريه وطبعا بوجيهات السياره تتغير كل 20000 كيلو متر 4- تلف حساس الشكمان او الاكسجين و عدم اجراء الصيانه الدوريه له زيه زي بقيه الحساسات اللي موجوده في العربيه و وظيفه حساس الشكمان او الاكسجين هنا هو ان هو بياخذ عينه من العادم اللى خارج من المحرك ويبدا يحللها ويبعث اشاره للكنترول يقول له ان العادم ده متوازن أو غنى بالبنزين ومحتاجين نقلل البنزين أو ان العادم فقير ومحتاجين نزود البنزين شوية 5- تلف حساس الايدل او عدم اجراء الصيانه له وغالباً الحساس ده لايتلف ولكن يحتاج لصيانة باستمرار وفى انتظار استفساراتكم فى الكومنتات أو على الايميل [email protected]