Скачать с ютуб قدرة قادر او كيكة الكريم كرميل او الكيكة المستحيلة بأبسط طريقة♥️الوصفة بالتعليق المثبت в хорошем качестве

قدرة قادر او كيكة الكريم كرميل او الكيكة المستحيلة بأبسط طريقة♥️الوصفة بالتعليق المثبت

الوصفة مكتوبة 👇🏻♥️ الكيكة المستحيلة او كيكة قدرة قادر او كيكة الكريم كرميل تجنن وذايبه ولذيذه وبارده وشكلها يجنن وكلشي حلو بيها ♥️ ملاحظة 📝 :- ممكن تستخدمون سكر الكريم كرميل الي يجي ويه ظرف الكريم كرميل بس اني سويته لان طعمه يكون اطيب ♥️ ملاحظة :- لمن تضيفون خليط الكيك مرات تكون طبقة الكريم كرميل متماسكة فما راح ينزل الخليط وينخلط ويه الكريم كرميل ومرات ما راح تكون متماسكه فمن نضيف خليط الكيك على الكريم كرميل ينخلطون فعادي هالشي هي بالفرن من وحدها راح تنفصل الطبقات ولهذا اسمها قدرة قادر ♥️ 🍮 استخدمت الكوب المعياري قياسه ٢٤٠ مل 🍮 وممكن تستخدمون اي كوب متوفر عدكم بس شرط تقيسون بي كل المقادير 🍮 🍮نحتاج لطبقة الكرميل :- ٣ ارباع الكوب سكر ربع كوب ماء 🍮نحتاج لطبقة الكريم :- ٣ أكواب حليب سائل نص كوب حليب باودر ٣ ظرف كريم كرميل علبة قشطة 🥣نحتاج لطبقة الكيكة :- بيضتين ملعقة صغيرة فانيلا او ظرف رشة ملح صغيرة ٣ ارباع الكوب سكر نص كوب حليب سائل نص كوب زيت كوب طحين ملعقتين كبار ونص ككاو باودر غير محلى ملعقة كبيرة ممسوحة بكنك باودر او ظرف الطريقة :- اول شي دهنت القالب سمن (دهن ) او زيت بعدها جهزت طبقة الكرميل كرملت السكر ويه الماء مع خلط بسيط خليته على نار عاليه اول ما يبدي يتغير لونه اخلي على نار وسط إلى ان يصير لونه عسلي أشيله من النار مباشرةً ( لا تخلوه هواي وياخذ لون زايد لان يصير مرررر) وأضيفه بالقالب واوزعه شوي لان هو بسرعه يجمد بعدها جهزت طبقة الكريم خلطت كل مكوناته على البارد وبعدها خليت الخليط على النار مع التحريك المستمر إلى ان يغلي اطفي النار وأضيفه فوك طبقة الكرميل بعدها اجهز الكيك خلطت كل مكونات الكيكة وضفت الخليط على طبقة الكريم وبعدها اخلي القالب بقالب اكبر منه وشوي عميق واخلي بي ماء ساخننن يوصل تقريبا لنص القالب وادخلهم للفرن على حرارة ١٨٠ والحرارة من الاسفل فقط على الرف الوسط تاخذ وقت من ٤٥ دقيقه إلى ساعه ونفحص الكيكة يلا نطلعها ومن نطلعها من الفرن نطلعها من الحمام المائي ونخليها تبرد بحرارة الغرفة وبعدها نخليها بالثلاجة مدة ٦ ساعات او ليلة كاملة اني خليتها ليلة كامله ومن طلعتها من الثلاجة رجعت خليتها بحمام مائي مدة دقيقتين حتى يذوب السكر وبسهولة اطلعها من القالب وبعدها اقدمها وبس ♥️