Скачать с ютуб 【前特首豪華辦公室究竟月租幾多十萬？不實未必係 不盡一定有】 в хорошем качестве

【前特首豪華辦公室究竟月租幾多十萬？不實未必係 不盡一定有】

今日財委會特別會議，政府書面回覆金鐘前任行政長官辦公室嘅問題，呢個太古廣場甲級豪華辦公室，舊年租443萬，今年567萬，逆市加28%咁厲害，相信全港業主都想知點做到。 會上我追問點解，署長話，舊年個數係計運作9個月，今年個數係運作12個月計，所以係冇加過租。咁就奇喇，2022年我係最早跟呢個問題嘅人，當時佢答我月租係37.7萬，如果而家答567萬係一整年租金，即係567萬/12=47萬，即係呢個先係真正月租？定係當時係計埋其他折扣免租期？咁邊個計法先真？同一條問題前後兩個答法，數字遊戲，我唔敢話不實，可能真係可以解釋，但我覺得好不盡囉。 而且，佢而家書面答2022-23年租443萬元，但冇寫明係9個月，我就好少見政府答案唔講明呢樣嘢咁笨，俾人覺得加大28%，簡單嚟講，疑點重重，奇奇怪怪。 更大問題係，呢個租約完咗，之後係唔係繼續租呢個或另一個甲級豪華辦公室呢？人哋加租又要硬食？又話財赤又話減呢樣嗰樣，咁係唔係善用公帑呀？前特首辦係完全唔需要核心商業區頂級辦公室，我強烈要求用以前做法善用政府物業，撇咗800萬裝修費當止蝕，否則就會越踩越深。其他服務市民嘅辦事處都話會搬去北區，前三任特首特首辦喺堅尼地道，呢個點解要喺金鐘黃金地帶呢？