Скачать с ютуб المغرب يتجه لدخول أخطر صناعة ... تشييد مصانع عملاقة للأمونياك الأخضر فهل ننجح في كسر إحتكار روسيا ؟ в хорошем качестве

المغرب يتجه لدخول أخطر صناعة ... تشييد مصانع عملاقة للأمونياك الأخضر فهل ننجح في كسر إحتكار روسيا ؟

سنة من بعد سنة الفوسفاط المغربي، كيزيد يرسخ بلاصتو كركيزة أساسية بالنسبة لكل دولة، كتبغي تضمن أمنها الغذائي، أما مجموعة ocp، فمع الوقت صبحت أضخم شركة لصناعة الأسمدة فالعالم ، و بوحدها قدرت تنافس و اتفوق على عشرات الشركات الأمريكية و الروسية ، اللي كانو محتاكرين أسواق الأسمدة الدولية لمدة طويلة. ارتفاع أسهم أوسيبي و تضاعف حجمها، بدأ لما تحولنا من بيع معظم الفوسفاط كمادة خام فقط، ا لتصنيع جزء كبير منوا كأسمدة رقم معاملات أو سي بي التصديري بلغ رقم قياسي سنة 2022، بتجاوز مبلغ 11 لمليار و نصف مليار دولار ، أما حجم إنتاجنا السنوي من الأسمدة فكيبلغ حاليا 12 لمليون طن متري و غيرتافع ل 20 مليون طن سنة 2027 هاد الأرقام تقدر كتبان كبيرة بزاف و ممتازة ، لكن كاين خلفها كاين مشكل كبير كيعاني منو قطاع إنتاج الأسمدة فالمغرب كتجلى فمادة الأمونياك ، أوسيبي لمعالجة الفوسفاط و تصنيع الأسمدة ، كتحتاج قدر هائل من الأمونياك لتشغيل مصانعها، سنة 2022 أو سيبي استوردات أزيد من ملياري دولار من الأمونياك، بمعنى أن السنة اللي حققنا فيها رقم صادرات قياسي ، خسرنا فيها ملياري دولار على استيراد هاد المادة ، و هنا أكيد غنبداو نفكرو فواي ممكن للمغرب يبدأ يصنع الأمونياك داخل بلادنا بدل إستيرادها من الخارج حجم سوق الأمونياك فالعالم كيتقدر بين 70 و 80 مليار دولار سنويا ، أما أكبر محتكر لهاد السوق فهي روسيا اللي كتصدر سنويا بين 6 و 7 مليون طن كل سنة و كتجي من بعدها كل من السعودية قطر و أمريكا القاسم المشترك بين كل هاد الدول أنهم من أكبر منتجي الغاز الطبيعي فالعالم، و هادشي كيخلينا نفهمو علاش المغرب مكانش قادر ينتج الامونياك داخل لبلاد ، حيت كتحتاج كميات كبيرة من الغاز الطبيعي لكن قبل سنوات قليلة بدات كيكثر الطلب على الأمونياك الخضراء و اللي بدل احتياج لغاز لتصنيعها كيتم الإعتماد على مصادر الطاقة المتجددة، تغير مفاجئ بحال هذا اعتابراتو مجموعة ocp فرصة مكتعوضش لاقتحام هاد الصناعة و بدل استيراد مليارات الدولارات من الأمونياك نوليو نصنعوها فبلادنا، و لما لا نافسو الروس و ارجعوا نصدروها كذلك سنة 2021 أوسيبي علنات على مشروع صناعي عملاق لبداية عصر تصنيع الأمونياك فالمغرب ، و بقيمة استثمارية كتبلغ 7 مليار دولار ، تصورو معايا 7 مليار دولار كلها غتحطها ocp فبناء مجمعات صناعية خاصة بتصنيع الأمونياك الخضراء ، لكن مع ذلك وها يكون عندنا الأموال الكافية ، مينكنش ندخلوا لمجال صناعي جديد و حنا معندناش خبرة خصوصا لما كيتعلق الأمر بالصناعات الكيماوية، لهاد السبب ضروري منبحثو على شركات متمرسين فبناء هاد النوعية من المصانع و الهندسة الميكانيكية الخاصة بيهم ،