Скачать с ютуб Tandak Timang Panganten Putri & Jingga Di Luwuk Sampun By Marsil Tualan в хорошем качестве

Tandak Timang Panganten Putri & Jingga Di Luwuk Sampun By Marsil Tualan

TANDAK TIMANG PANGANTEN PUTRI DAN JINGGA Di Luwuk Sampun Tualan Hulu 20 Juli 2024 KARYA CIFTA/VOCAL : MARSIL TUALAN 1. Hajamban bahing sarindu ambun Tabe manyundau kakaren ketun Kula jalahan karabat je atun Melai Tualan Lewu Luwuk Sampun 2. Tabe barigas ketun melai lewu Awang balingu kalunen aku Tau mahining bahing kandayau Tandun kanderang je Darung Lingu 3. Tinai ngalingu bahing suara Tandun kanderang Tingang balinga Tumun palakun karabat kula Taheyu ampin je acara pesta 4. Acara pesta je tandak gawi Panganten Jingga ewen due Putri Mantehau biting ku haguet buli Dumah nangkenya karen kula biti 5. Halisang buli ku bara palangka Manalih pesta Putri dengan Jingga Tulak habambai seniman budaya Iyoh kanda Bilton Tingang Bakena 6. Darung seniman puna Jagau Tandu Tarima kasih ulih magi waktu Umba ku murik buli kan lewu Haguet miar bara gadung batu 7. Sarukui pander pakat halisang Miar habambai Darung Panganderang Murik kan ngaju mandai lasang Sanaman usang waja je batekang 8. Basukur asim sahur parapah Jata Hatalla manggaduh nampayah Tingang hadurut je ulih dumah Manalih pesta palampang kesah 9. Pesta panganten Jingga dgn Putri Marawei dumah seniman penyanyi Tege Mister Inyai Sound Sistem Weni Tiko Irwan Vira Feby Susan Peti 10. MC basewut mnggun ingundang Iyoh bung Iyong puna MC kondang Babala kea Joko Kanderang Umba ngalingu bahing tandak timang 11. Due blas biti kakaren ikei Maisi panggung mahibur marawei Kula karabat umba hanjak atei Joget manasai awang je batukei 12. Jingga dengan Putri tabe salamat Tanggal due puluh Juli basurat Huang nyelu due ribu due epat Kawin panganten hapan rukun adat 12. Tinai Pisor Ikoy je atun mandehen Malalus rukun akan panganten Turing Kaharingan injam kalunen Laku berkat doa belum sadingen 13. Panganten Jingga ewen due Putri Hunjun garantung habambai biti Munduk batatai imbing turus janji Basumpah satia hatue bawi 14. Hajamban asim Hatalla mnggaduh Jingga dengan Putri bahurui sanunuh Belum Barendeng tau tumun uluh Kilau kimbul sawang makar manyiwuh 15. Kilau te hajat je doa restu Bara indang apang uluh bakas empu Jingga dengan Putri salamat haragu Mahaligai belum je ruhui rahayu 16. Uly indu Putri kalampangan tandak Supriadi Kaset bapa Putri hanjak Malalus pesta je panganten anak Putri bawin nyai salurui kahandak 17. Mina indu Yogae Tinduh auh arae Inyewut Janias mama bapa Yogae Mandukung Jingga belum hinje sawae Umba ewen Empue sama indu bapae 18. Ewen hasanger sama satuju Tumun kahanjak pesta batantu Ulih talalus je pahayak restu Akan panganten anak manantu 19. Kalampangan sewut ewen keluarga Uly dengan kaset manggaduh mahaga Due bawin nyai je anak balanga Putri dengan Selsi saritae babala 20. Uly dngan Kaset kesah hagatang Baya due anak je malati kambang Putri anak bakas malapas kabujang Selsi masih sakula garing tarantang 21. Mandahang tinai dinun manantu Mudahan jeleng manimang esu Satiar usaha batambah maju Tuah rajaki je magun batantu 22. Mama bpa Yogae mina indu Yogae Magun babala tandak saritae Atun telu anak balanga gaduhae Uras hatue je habambai kulae 23. Yogae Jingga Jumei garing trntang Gaduhan bereng je Indang Apang Anak hatue telu hakanduang Panatau belum harapan huang 24. Yogae inyewut anak tambakas Hatue bujang panggawi pahiyas Hindai manyundau kambang je pantas Mudahan dinun je padan salaras 23. Jingga inimang anak kadue Tende mabujang dinun kambang bunge Tinai inyewut jalahan kasene Jumei je katelu bungsu hatue 24. Kilau te helu tandak inyampai Akan keluarga je lingu nalatai Ela basule kula samandiyai Dia ulih inyewut gagenep arai 25. Baya ku manabe genep kula biti Tarima kasih eleh dohop gawi Pesta panganten Jingga dgn Putri Mudahan uras belum marajaki 26. Tikas tuh bewei tandak inyusun Pahining jalahan kakaren ketun Salam Budaya Sarindu Ambun Salundik Garing Lewu Luwuk Sampun